“അമ്മീമകഥകള്” - അമ്മ മധുരം പകരും നന്മയുടെ കഥകള്
![Image](https://blogger.googleusercontent.com/img/b/R29vZ2xl/AVvXsEgGSb2ht-PKB_MoR923prQZL5m_JkR7MeKz-x-NWvwu_fB829VCuDAI_FY6oz2hqnrNE8YMI6MnY6cqKe1hMtobsdFgJhEqRST0aFMbkoxxqtNSPwXlO_Z8X2OJGbpLQTtKT1BjdaNmN6M/s1600/Kala1.png)
( മലയാളം ബ്ലോഗേഴ്സ് പ്രസിദ്ധീകരണമായ ഇ-മഷി ഓണ്ലൈന് മാസിക യുടെ മേയ് ലക്കത്തില് പ്രസിദ്ധീകരിച്ച ലേഖനം) എച്ച്മുക്കുട്ടിയെ പരിചയപ്പെടുന്നത് ഈയടുത്താണ് – ബ്ലോഗര് കൂട്ടായ്മകളിലെ സജീവ സാന്നിദ്ധ്യമായ അവരുടെ എഴുത്ത് വളരെ കുറച്ചേ ഞാന് വായിച്ചിട്ടുള്ളുവെങ്കിലും വേറിട്ടതാണ് എന്ന തോന്നലാണ് എന്നില് ഉണ്ടായിട്ടുള്ളത്. കുറച്ചു ദിവസങ്ങള്ക്ക് മുന്പ് കുശലാന്വേഷണങ്ങള്ക്കിടയില് 'അമ്മീമക്കഥകള്' എഴുത്തുകാരിയുടെ കൈയൊപ്പോടെ കിട്ടാന് എന്താ വഴി എന്ന എന്റെ ചോദ്യത്തിനു മറുപടിയായി 'ഞാന് അയച്ചു തരാം' എന്ന് പറയുകയും, ഏറെ തിരക്കുകള്ക്കിടയിലും ഇക്കാര്യം ഓര്ത്തുവെച്ച്, എനിക്ക് പുസ്തകം അയച്ചു തരികയുമുണ്ടായി. നിര്ഭാഗ്യവശാല് ഞാന് ഇല്ലാത്ത സമയത്താണ് പുസ്തകം എന്റെ വിലാസത്തില് എത്തിയത്. പിന്നീട് പുസ്തകം കൈയില്ക്കിട്ടിയപ്പോള് പതിവില്ലാത്തവിധം ജോലിത്തിരക്കും! എന്നാലും അല്പാല്പമായി കിട്ടിയ (കണ്ടെത്തിയ) ഇടവേളകളില് ഞാന് അമ്മീമ കഥകള് വായിച്ചു. അമ്മീമക്കഥകളെ ഒറ്റവാക്കില് നിര്വചിക്കാന് ബുദ്ധിമുട്ടാണ്. ഒറ്റനോട്ടത്തില് ഒരു ബാല്യകാലസ്മരണയാണെന്ന് തോന്നുമെങ്കിലും, അത് അതിലുമധിക