സൗഹൃദം
കേട്ടുമറന്നോരീണമെന്‍ മനസ്സാം
തംബുരുവില്‍ നിന്നു താനെയുയരവേ,
എന്തിനെന്നറിയാതെയെന്‍ മിഴി-
കളൊരുമാത്ര സജലങ്ങളായ്!
കാലരഥമേറി ഞാനേറെ ദൂരം പോയ്‌
കാണാകാഴ്ചകള്‍ തന്‍ മാധുര്യവുമായ്;
ഒടുവിലൊരു പന്ഥാവിന്‍ മുന്നിലെത്തിയന്തിച്ചു-
നില്‍ക്കേ കേട്ടു,ഞാനായീണം വീണ്ടും.
നിന്നോര്‍മ്മകളെന്നില്‍ നിറഞ്ഞ നേരം
നിന്‍ പുഞ്ചിരിയെന്നില്‍ വിടര്‍ന്ന നേരം
കൌമാരത്തിന്‍ കൈപിടിച്ചിന്നു ഞാന്‍
കാലത്തിന്‍ വഴികളിലൂടൊന്ന്‍ തിരിഞ്ഞു നടന്നു...
ഇല്ലില്ല കോലാഹലമൊന്നുപോലുമവിടെ,
വീണില്ല സൌഹൃദത്തേന്‍മരത്തിന്‍ ചില്ല
ആയിരം കൈനീട്ടി വിടര്‍ന്നു നില്‍പ്പൂണ്ടിപ്പോഴും
സ്നേഹാമൃതം തൂകി സുഹൃത്താമൊരരയാല്‍ !!!
ചിത്രത്തിന് കടപ്പാട് : ഗൂഗിള്‍ ഇമേജ്
വേരുറച്ച പന്തലിച്ച സൌഹൃദത്തെക്കുറിച്ച് നല്ല വരികള്‍...
ReplyDeleteനന്ദി എച്ച്മുക്കുട്ടീ... ഈ വഴി വന്നതിനും ഈ പ്രോത്സാഹനത്തിനും
Deleteകാലത്തിന്‍ വഴികളിലൂടെ തിരിച്ചു നടക്കാന്‍ ഒരു സൗഹൃദം - അരയാല് പോലെ പടര്‍ന്നു പന്തലിച്ചു, വേരുറപ്പിച്ച് !! - നല്ല വരികള്‍ നിഷേച്ചീ... ആശംസകള്‍, നന്ദി :)
ReplyDeleteനന്ദി ആര്‍ഷ, തിരിഞ്ഞു നോക്കുമ്പോള്‍ ബാക്കി ഇതൊന്നു മാത്രം!
Deleteസുഹൃത്താം അരയാല് നല്ല ഉപമ
ReplyDeleteനന്ദി! നല്ല സുഹൃത്തുക്കള്‍ അരയാല് പോലെയാണല്ലോ! ഉപമ ഇഷ്ടമായെന്നറിഞ്ഞതില്‍ സന്തോഷം!
Deleteആഴത്തിലോടിയ വേരുകള്‍ വേണം
ReplyDeleteനല്ല വരികളും ആശയവും എഴുത്തും!
നന്ദി അജിത്തേട്ടാ ! ഈ വാക്കുകളാണ് പലപ്പോഴും വീണ്ടും എഴുതാനുള്ള പ്രചോദനം!
Deleteനല്ല വരികള്‍..
ReplyDeleteനല്ല ആശയം
നല്ല പടം
മൊത്തത്തില്‍ ഇഷ്ടപ്പെട്ടു.
നന്ദി ലംബാ! സന്തോഷം!
Deleteപന്തലിച്ചു നില്ക്കുന്ന ആരയാൽ ശരീരത്തിനും മനസ്സിനും
ReplyDeleteകുളിർമ തരുന്നു
അതേ മേനോന്‍ സര്‍, അതൊരു വേറിട്ട അനുഭവം തന്നെയാണ് ...
Deleteകാലമിനിയുമുരുളും ഇലകള്‍ കൊഴിയാതിരിക്കട്ടെ . മരം വേരോടട്ടെ ഇനിയും.
ReplyDeleteനന്ദി അനീഷ്‌! അരയാല് ആയതിനാല്‍ അത്ര വേഗമൊന്നും വേരറ്റു പോകില്ലെന്ന പ്രതീക്ഷയിലാണ്!
Deleteഇനിയും പൂക്കട്ടെ
ReplyDeleteനന്ദി ഷാജു - ഇനിയും തളിര്‍ക്കട്ടെ സൌഹൃദത്തിന്‍ അരയാല്‍ക്കൂട്ടങ്ങള്‍ !
Deleteസൌഹൃദമില്ലെങ്കിൽ ജീവിതം തന്നെയില്ല എന്നുറപ്പുള്ളയാളാണു ഞാനും. എത്രയെത്ര പ്രതിസന്ധിഘട്ടട്ടങ്ങൾ.... അപ്പോഴൊക്കെ തുണയായി തോഴർ ആരെങ്കിലും...! നന്ദിയാരോടു ഞാൻ ചൊല്ലേണ്ടൂ!
ReplyDeleteഅതേ, നല്ല സുഹൃത്തുക്കള്‍ സുകൃതം തന്നെയാണ്....
Deleteവേരുകൾ ഉറയ്ക്കട്ടെ
ReplyDeleteസൌഹൃദത്തിൻ
ആഴത്തിൽ ഉറയ്ക്കട്ടെ
സൌഹൃദത്തിൻ
നന്ദി അന്‍വര്‍ക്കാ! ഈ നല്ല വാക്കുകള്‍ക്ക്....
Deleteസ്നേഹത്തണൽ പടർന്നു വികസിക്കട്ടെ.
ReplyDelete:) :) :)
നന്ദി ശിഹാബ് ! അതങ്ങനെ പടര്‍ന്നു വികസിക്കുക തന്നെ ചെയ്യട്ടെ, അല്ലേ?
Deleteനല്ല കൂട്ടുകാര്‍ എന്നും ഒരു മുതല്‍ക്കൂട്ടു തന്നെയാണ്. ഇനിയും നല്ല നല്ല കവിതകള്‍ പ്രതീക്ഷിക്കുന്നു . @PRAVAAHINY
ReplyDeleteനന്ദി പ്രീതാ! കൂട്ടുകാര്‍ ഇല്ലാത്ത ജീവിതം എത്ര വിരസമാണ്...
Deleteഓര്‍ക്കുന്നുണ്ട് , ഈ ചിത്രത്തൊടൊപ്പൊം നിന്നേ ..
ReplyDeleteനിന്റെ സ്നേഹസാമിപ്യത്തേ ..
കൊല്‍ക്കത്തയിലേ ആ വലിയ ആല്‍മരം ..
പടര്‍ന്നു പന്തലിച്ചൊരു ലോകം സൃഷ്ട്ച്ചിരിക്കുന്ന ഒന്ന് ..
വരികളിലൂടെ കടന്ന് ആ ചിത്രത്തിലെത്തുമ്പൊള്‍ പൂര്‍ണം ..
ഓര്‍മകളുടെ ഇരമ്പലുണ്ട് , പക്ഷേ കേട്ട് മറന്നതല്ല
മറവിക്ക് പോലുമാ കാഴ്ചയേ മറക്കാനാകില്ല ...
ആ ഈണത്തേ കൊണ്ടുപൊകാനാകില്ല ..
വരികള്‍ക്ക് തേനിന്റെ മധുരവും ഈണവുമുണ്ട് ..
റിനിയുടെ വരികള്‍ ഏറെ സന്തോഷം പകരുന്നു - നന്ദി!
DeleteThis comment has been removed by the author.
ReplyDeleteലളിതം,മനോഹരം.
ReplyDelete-സുധീര്‍...
നന്ദി!
Deleteഒന്നും മനസിലായില്ല ..എങ്കിലും കവിതയല്ലേ ..കലക്കി
ReplyDeleteരാഹുലിനെ ഇവിടെ കണ്ടതില്‍ സന്തോഷം! നന്ദി, ഒന്നും മനസ്സിലാവാതെ കലക്കി എന്നൊക്കെ പറയാമോ? :)
Deleteനന്നായിരിക്കുന്നു
ReplyDeleteആശംസകള്‍
നന്ദി സാര്‍, ഈ നല്ല വാക്കുകള്‍ക്ക്!
Deleteസൗഹൃദം പലപ്പോഴും അങ്ങനെയാണ്, ഉണങ്ങിപ്പോയെന്നു കരുതുന്ന പലതും വീണ്ടുമൊരു കൂടിക്കാഴ്ചയില്‍ പൂര്‍വാധികം ശക്തിയോടെ പടര്‍ന്നു പന്തലിക്കുന്നു. നല്ല ആശയം, നല്ല എഴുത്ത്!
ReplyDeleteനന്ദി പ്രവീണ്‍, ഈ പ്രോത്സാഹനത്തിന്!
Delete