മയില്‍പ്പീലി
മനസ്സിന്‍ മച്ചകത്തു നിന്നു ഞാനൊരു മഴവില്‍
വര്‍ണ്ണമേന്തും കുഞ്ഞു മയില്‍പ്പീലി തിരഞ്ഞെടുത്തു
സപ്ത വര്‍ണ്ണമേന്തുമാ പീലിയിലെന്‍ ജീവന്‍റെ
സുന്ദരവര്‍ണ്ണങ്ങള്‍ മിന്നിത്തെളിഞ്ഞു നില്പൂ...
സ്നേഹത്തിന്‍ കടുംനീലയില്‍ ഞാന്‍ കുളിര്‍ന്നു
നില്‍ക്കെ, ഹരിതാഭമാം കൈയ്യാലെന്നെ തഴുകും
പ്രകൃതിയാമമ്മ പോല്‍, ആനന്ദത്തിന്‍ പൊന്‍ നിഴല്‍--
ത്തൂകികൊണ്ടതാ സുവര്‍ണ്ണവും പുഞ്ചിരിപ്പൂ...
മയില്‍‌പ്പീലിക്കണ്ണില്‍ കാണാവതായ് ഇതുവരെ-
യറിയാത്തൊരു വികാരവായ്പ്പിന്‍ തിളക്കം;
സ്വയമറിയാതെ ഞാനൊരു മയൂരമായ് മാറി-
യോരാനന്ദ നൃത്തത്തിന്‍ ചുവടു വെച്ചിടുന്നു...
ചിത്രത്തിനു കടപ്പാട് - ഗൂഗിള്‍ ഇമേജ്
Comments
എത്ര ആനന്ദ ലബ്ധി സാധിച്ചിരിക്കണം..ഹോ...
ആസ്വാദിക്കു...മയിൽപ്പീലികൾ ഇനിയും വിടർന്നുലയട്ടെ..!
യറിയാത്തൊരു വികാരവായ്പ്പിന്‍ തിളക്കം
കൊള്ളാം നല്ല വരികൾ
യോരാനന്ദ നൃത്തത്തിന്‍ ചുവടു വെച്ചിടുന്നു...
മനോഹരമായ വരികൾ നിഷേച്ചി... കവിതയായത് കൊണ്ട് കൂടുതൽ അഭിപ്രായത്തിന് അശക്തൻ