നമ്മള്‍



നീയൊന്നു ചിരിച്ചാലെന്‍
മനസ്സിലും നിറയുന്നു മോദം;
നിന്നാര്‍ത്തികളെന്നിലും
നിറപ്പൂ വേദന തന്‍ മുള്ളുകള്‍ ...

ജന്മം കൊണ്ടു നീയെനിക്കന്യ-
നെന്നാകിലും, കര്‍മ്മം കൊണ്ടു
നീയെന്‍ സോദരനായ് മാറിയ-
തെന്നെന്നു ഞാനറിഞ്ഞീല...

ആത്മ ബന്ധത്തിന്‍ തീച്ചൂളയില്‍
വെന്തുറച്ച സ്നേഹമാമിഷ്ടിക
കൊണ്ടു നമ്മള്‍ പടുതുയര്‍ത്തീ
നിസ്വാര്‍ത്ഥ സ്നേഹത്തിന്‍ സാമ്രാജ്യം

ഭൂമിയിലൊരു സ്പന്ദനം ബാക്കി-
യുണ്ടാകും കാലമതു വരേയ്ക്കും
നമ്മുടെ സാഹോദര്യത്തിന്‍ മാനങ്ങള്‍
തിളങ്ങി നില്‍ക്കട്ടേ അവനീ തലത്തില്‍

പുതു തലമുറയീ അതുല്യ സ്നേഹത്തിന്‍
അലയടികളാല്‍ മുഖരിതമായിടട്ടെ;
സ്നേഹമാണഖിലസാരമൂഴിയിലെ-
ന്നൊരിക്കല്‍ കൂടി മാലോകരോതിടട്ടെ!!!

ചിത്രത്തിന് കടപ്പാട്: ഗൂഗിള്‍ ഇമേജ്

Comments

© Mubi said…
സ്നേഹമാണഖിലസാരമൂഴിയില്‍....
Aneesh chandran said…
സൌഹൃദം വിജയിക്കട്ടെ ,സാഹോദര്യം വളരട്ടെ...
Cv Thankappan said…
സ്നേഹവും സാഹോദര്യവും എന്നുമെന്നും നിലനില്‍ക്കട്ടെ!
നല്ല ചിന്തകള്‍
ആശംസകള്‍
ajith said…
ഭാരതം എന്റെ രാജ്യമാണ്
എല്ലാ ഭാരതീയരും എന്റെ സഹോദരീസഹോദരന്മാരാണ്.

സ്കൂളിലെ പ്രതിജ്ഞ ഓര്‍മ്മ വന്നു കേട്ടോ ഇത് വായിച്ചപ്പോള്‍
നന്നായി... സ്നേഹമാണ് അഖില.....
Joselet Joseph said…
നന്മയുള്ള കവിത.
വരികള്‍ക്ക് കുറച്ചുകൂടെ ഒഴുക്കാവാമായിരുന്നു.
നീയും ഞാനും എന്ന വേര്‍തിരിവില്ലാതെ നമ്മള്‍ എന്ന ഒരുമയായിരിക്കട്ടെ എന്നും...
Unknown said…
പുതു തലമുറയില്‍ ഈ സ്നേഹം അന്യാധീനപ്പെട്ടു കൊണ്ടിരിക്കുന്നു..
മനസ്സില്‍ തട്ടുന്ന വരികള്‍..,.. ആശംസകള്‍ നിഷാ
roopeshvkm said…
ഇഷ്ടമായി
Nisha said…
അതേ, ഒരിറ്റു സ്നേഹമെങ്കിലും ഇല്ലാതെ ജീവിക്കുക അസാദ്ധ്യം
Nisha said…
നന്ദി അനീഷ്‌...
Nisha said…
ആ പ്രാര്‍ത്ഥന തന്നെ എന്നും മനസ്സില്‍ ...
Nisha said…
:) അതിന്റെ ശരിയായ അര്‍ത്ഥമറിയാതെയായിരുന്നു ആദ്യം ഞാനും പറഞ്ഞിരുന്നത് - ഇപ്പോള്‍ ആ വാക്കുകള്‍ക്ക് കൂടുതല്‍ തിളക്കം കൈവന്നിരിക്കുന്നു...
Nisha said…
നന്ദി നിധീഷ് - സ്നേഹം തന്നെയാണ് അഖിലസാരമൂഴിയില്‍
Nisha said…
നന്ദി ജോസ് - ഇനി ശ്രദ്ധിക്കാം - ഇത് പെട്ടന്ന്‍ എഴുതി പോസ്റ്റ്‌ ചെയ്തതാ...
Nisha said…
നന്ദി ശ്രീ - വേര്‍തിരിവുകള്‍ അലിഞ്ഞില്ലാതെയാവുന്ന ഒരു നല്ല കാലം വരുമെന്ന് പ്രതീക്ഷിക്കാം...
Nisha said…
നന്ദി പദ്മ - അടുത്ത തലമുറയിലേക്ക് ഈ സ്നേഹം പകര്‍ന്നു നല്‍കാന്‍ നമുക്ക് കഴിയട്ടെ....
Nisha said…
നന്ദി - സന്തോഷം!

Popular posts from this blog

സൗഹൃദം

കൊഴിയുന്ന പൂക്കള്‍....

സ്നേഹം